Hraðnámskeið í hegðun á jólahlaðborðinu

Nú er kominn sá tími ársins að jólahlaðborðin hellast yfir með tilheyrandi drykkju, framhjáhaldi og persónulegum uppgjörum milli starfsmanna. En það eru nokkrir púnktar sem hafa ber í huga þegar mætt er á jólahlaðborð í boði fyrirtækisins.

Fyrst er það klæðnaðurinn. Ekki mæta í besta kjólnum eða jakkafötunum. Löngu fyrir miðnættið eru flestir hvort eð er orðnir svo drukknir að þá sjá engan mun á hvort þú er í Armani eða afsláttarfötum frá Dressman, Gucci-kjól eða einhverju sem þú rakst á í Kolaportinu síðast þegar þú kíktir þar við.

Konur þið verðið að velja ilmvatn eftir því hvaða markmið þið hafið á jólahlaðborðinu. Ef þig ætlið að snara einhverjum með í rúmið seinna um nóttina er best að skella einhverju þungu og þéttilmandi á sig eins og til dæmis Opium. Ef ætlunin er að véla launahækkun út úr stjóranum er best að lykt af einhverju léttu og leikandi eins og Boss XO.

Það besta sem karlarnir taka með sér aukalega á jólahlaðborðið er lausafé því reynslan sýnir að eriftt er að sjá hvað maður er að skrifa undir á sjötta glasi, ef viðkomandi er á annað borð fær um að skrifa undir afritið þegar hér er komið sögu í veislunni. Og ekki gleyma smokkunum ef ætlunin er að snara einhverri með sér í rúmið seinna um nóttina.

Konur ættu að hafa allavega eina straufría skyrtu með í töskunni og aukapar af nælonsokkum. Reynslan sýnir að karlarnir eru gjarnari til að hella yfir konurnar en öfugt þegar ölvunin fer úr böndunum.

Vísir.is óskar öllum góðrar skemmtunnar á komandi jólahlaðborðum.