Gómsætur kalkúnaréttur: Hrefna Sætran töfrar fram gómsætan heimilismat

• 300 g Basmati hrísgrjón
• 2 msk. Ólífuolía
• 1 stk kanilstöng
• 1 tsk salt
• 8 stk kardimommur (heilar)
• 375 ml vatn

Aðferð: Setjið hrísgrjónin í skál og hellið köldu vatni yfir þau.  Leyfið þeim að vera í vatninu í 20 mínútur. Setjið hrísgrjónin í sigti, skolið þau vel og látið renna af þeim. Setjið olíuna í pott ásamt kryddunum og steikið í 1-2 mínútur við háan hita. Bætið hrísgrjónunum út í og steikið í svona 1 mínútu. Hellið vatninu út í pottinn, setjið lok á og sjóðið grjónin í 12 mínútur.

Slökkvið undir pottinum og leyfið grjónunum að standa í 5 mínútur. Takið lokið af grjónunum og leysið þau varlega í sundur með gaffli þegar þið setjið þau í skál.

Gómsætur kalkúnaréttur

• 2 msk. Ólífuolía
• 650-800 g kalkúnakjöt (úrbeinuð læri, bringa. Má líka vera úrbeinuð kjúklingalæri)
• 1 stk rauðlaukur
• 2 stk fennel
• 10 stk döðlur
• 2 msk. Kapers
• 150 ml balsamik edik
• 150 ml hlynsíróp
• 300 ml kjúklingasoð
• 4 msk kasjúhnetur
  
  
  
  

Aðferð: Skerið kalkúnakjötið niður í bita. Skrælið laukinn og skerið hann líka í bita ásamt fennelinu. Hitið olíu á djúpri pönnu og steikið kjötið upp úr henni. Bætið lauknum og fennelinu út í og steikið áfram í smá stund. Takið steinana úr döðlunum og skerið þær gróft niður. Bætið þeim út á pönnuna ásamt kapersinu.

Blandið saman edikinu og sírópinu í skál og hellið því yfir. Bætið loks kjúklingasoðinu út í, setjið lok á pönnuna og sjóðið saman í 25-30 mínútur. Gott er að fjarlægja lokið síðustu 10 mínúturnar til að leyfa sósunni að þykkna.

Stráið svo kasjúhnetunum yfir í lokin og njótið.

Triffle er mjög skemmtilegur og þægilegur eftirréttur. Leyfið hugmyndafluginu að ganga lausu þegar kemur að þessum eftirrétt. Í þessu triffle er Oreo kex, sítrónusvampbotn, enskt vanillukrem, Milka súkkulaði, bláber og brómber.

• Sítrónusvampkaka
• Enskt vanillukrem
• 1 -2 pakki Milka Oreo súkkulaði
• 1 pakki Oreo kex
• 1 askja bláber
• 1 askja brómber

Sítrónusvampkaka

• 6 stk egg
• 95 g sykur
• 70 g brætt smjör
• 130 g hveiti
• ½ tsk lyftiduft
• 1 stk sítróna

Aðferð: Hitið ofninn í 190°C.  Þeytið saman egg og sykur þar til blandan verður létt og ljós. Bætið við smjörinu og hrærið vel áfram. Bætið svo hveitinu og lyftiduftinu út í og hrærið vel þar til deigið er komið vel saman.

Skolið sítrónuna vel og raspið börkinn fínt út í deigið. Smyrjið form og hellið deiginu í formið. Bakið kökuna í 25 mínútur í miðjum ofninum.

Cream Anglis / Enskt vanillukrem

• 4 stk eggjarauður
• 80 g sykur
• 350 ml rjómi
• 1 stk vanillustöng

Aðferð:  Setjið rjómann í pott, Skerið vanillu­stöng­ina í tvennt eft­ir endi­löngu og skafið fræ­in inn­an úr henni og bætið þeim út í rjómann. Hitið að suðu.  Pískið eggjarauður og sykur saman í skál. Hellið rjómanum  Pískið saman eggjarauðunum og sykrinum í skál.

Hellið rjómanum yfir eggjarauðurnar og hitið yfir vatnsbaði þar til sósan er orðin þykk. Best er að nota sleikju í verkið og til að hræra nú örugglega allstaðar í skálinni þá er gott að skrifa stafrófið með sleikjunni. Hérna þarf þolinmæði svo að sósan verði ekki að eggjaköku.

Triffle:

Myljið eina Oreo kexköku í botninn á hverju glasi, rífið niður sítrónusvampbotn og dreifið yfir, setjið smátt saxað Oreo súkkulaði yfir og fersk ber.

Hellið duglega af vanillukremi yfir og endurtakið leikinn einu sinni enn. Skreytið að lokum með berjum. Geymið í kæli í lágmark 2 – 3 klst. Gott er að geyma þetta triffle í kæli yfir nótt.