Gamalt lag með Dave Grohl komið í leitirnar

Nú hefur nýtt lag komið í leitirnar frá Dave Grohl en lagið er samið og tekið upp áður en hann byrjaði með Foo Fighters. En lagið kallast „Hooker on the Street“, eða mella á götunni. En þetta kom í ljós í nýjasta þætti Sonic Highways á HBO sjónvarpstöðinni en í þeim þætti fóru þeir til Seattle og próduserinn Barrett Jones opinberaði að Dave Grohl hefði tekið upp yfir 40 lög á síðustu dögum Nirvana. En hægt er að hlusta á lagið neðst í fréttinni.

Í síðustu viku sögðum við frá því að Scott Stapp, söngvari Creed, væri nánast kominn á götuna sökum fjárhagsvandræða og ætti hann ekki lengur fyrir mat. Í myndbandi sem Stapp sendi aðdáendum sínum sagðist hann vera edrú en fyrrum eiginkona hans heldur öðru fram og segir hann á kafi í neyslu og á mörkum sturlunar, en samkvæmt henni á Scott Stapp það til að senda henni skilaboð þess efnis að skóli sonar þeirra sé skotmark ISIS hryðjuverkarsamtakanna. Söngvarinn lætur hinsvegar engan bilbug á sér finna og hefur nú hafið hópfjáröflun þar sem hann biðlar til aðdáenda sinna að safna £300.000, eða um 60 milljónum íslenskra króna, til að taka upp nýja sólóplötu. Þá hefur söngvarinn einnig lýst því yfir að hann hafi áhuga á að skrifa skáldsögu. Íslenskir Creed aðdáendur geta tekið þátt í söfnunninni hér.

Það verður boðið upp á sérstakan jólaþátt af Straumi í kvöld hér á X977. En í þætti kvöldsins verður lögð áhersla á ný eða nýleg jólalög frá The Flaming Lips, Wild Nothing, !!!, Los Campesinos og mörgum öðrum en Straumur er auðvitað á dagskrá klukkan 23 í kvöld.