HK vann óvæntan sigur á FH

1. deildarlið HK gerði sér lítið fyrir og skellti meistaraefnunum í FH í fyrsta leik liðanna í Lengjubikarnum í kvöld.

FH stillti upp sterku liði í kvöld en eftir markalausan fyrri hálfleik komust HK-ingar yfir með mörkum þeirra Jóns Gunnars Eysteinssonar á 52. mínútu og Guðmundar Atla Steinþórssonar einni mínútu síðar.

Atli Guðnason minnkaði muninn úr víti á 67. mínútu en þar við sat.

Þorvaldur Örlygsson er þjálfari HK og fer vel af stað með liðinu á undirbúningstímabilinu.