Spurning vikunnar: Hitti maki þinn í mark með gjöfinni í ár?

Ása Ninna Pétursdóttir skrifar 25. desember 2020 08:00

Öll erum við misjöfn og með ólíkar væntingar og hugmyndir um jólagjafir. Getty

„Jólagjöfin er ég og þú“ - Já, bara ef það væri svo einfalt. Það getur stundum verið snúið að velja gjöf handa ástinni sinni, væntingarnar geta verið miklar og upplifa sumir jafnvel pressu og stress við valið. Flestir eru þó sammála um það að hugurinn á bak við gjöfina er það sem skiptir mestu máli.

Sum pör hafa þá reglu að gefa hvoru öðru ekki gjafir á jólunum heldur kaupa sér frekar eitthvað sameiginlegt. Öðrum gæti fundist það órómantískt og kjósa það að gefa gjafir og koma maka sínum á óvart. Enn önnur pör ákveðja jafnvel einhverja hámarks upphæð til að gefa fyrir og einhverjir biðja maka sinn um að velja sjálfir gjöfina. Öll erum við misjöfn með ólíkar væntingar og hugmyndir um gjafir.

Sama hvort að gjöfin í ár hitti í mark eða ekki höfum þá hugfast að ástin er stærsta gjöfin. Það er algjör óþarfi að pakka henni í jólapappír.

Gleðileg jól.

Spurningunni er beint til fólks sem er í sambandi.

Spurning vikunnar Ástin og lífið Jól

Tengdar fréttir

Spurning vikunnar: Veldur jólaundirbúningurinn álagi á sambandið?

Jólin eru tími kærleiks og friðar. Er það ekki annars? Af einhverjum óútskýranlegum ástæðum þá finnum við okkur mörg hver knúin til að skrifa niður ævintýralega langan verkefnalista fyrir jólin. Það þarf að þrífa ofan af skápunum, mála baðherbergið, hengja upp myndir í stofunni, baka fimm sortir, grafa lax, skreyta heimilið, búa til jólasultuna og kaupa allar jólagjafirnar.

18. desember 2020 07:58

Móðurmál: Gaf kærastanum pakka með óléttuprófi á bóndadaginn

„Covid hefur haft áhrif á líf mitt eins og annarra en þegar kemur að meðgöngu og tilkomu dóttur minnar þá hefur það einna helst haft þau áhrif að ég hef þurft að sækja flestar skoðanir ein. Ég þurfti að fara í sónar ein, í mæðraverndina og svo hóf ég fæðingarferlið ein en kærastinn minn fékk ekki að koma fyrr en ég var komin af stað í virka fæðingu. Þá hafa mun færri af fjölskyldu og vinum hitt dóttur mína þrátt fyrir að hún sé orðin tveggja mánaða gömul. Mér þykir það mjög leitt,“ segir Sigríður Þóra í viðtalsliðnum Móðurmál.

19. desember 2020 08:25