Einhleypir undir pressu að finna ástina

Ása Ninna Pétursdóttir skrifar 30. janúar 2021 20:00

Samkvæmt niðurstöðunum upplifa konur meiri pressu en karlmenn að ganga út. Getty

Í síðustu viku var spurningu Makamála beint til einhleyps fólks. Spurt var hvort fólk fyndi fyrir einhverri pressu að eignast maka.

Finnst þér jafnvel eins og þú eigir alltaf að vera í leit að ástinni þegar þú ert ekki í sambandi eða upplifir þú kannski enga pressu frá samfélaginu?

Samkvæmt niðurstöðum könnunarinnar sagðist mikill meiri hluti einhleypra finna fyrir einhvers konar pressu að eignast maka.

Könnuninni var að þessu sinni kynjaskipt og mátti greinilega sjá að konur upplifa meiri pressu að ganga út en karlar. 74% kvenna sögðust finna fyrir mikilli eða einhverri pressu á móti 60% karlmanna en nákvæmari niðurstöður er hægt að sjá hér fyrir neðan.

Niðurstöður*

KONUR:

Já, mikilli pressu - 31%

Já, stundum - 43%

Sjaldan - 13%

Aldrei - 13%

KARLAR:

Já, mikilli pressu - 18%

Já, stundum - 42%

Sjaldan - 17%

Aldrei - 23%

Umsjónarmaður Makamála mætti í Brennsluna á FM957 og ræddi niðurstöðurnar ásamt því að kynna til leiks nýja Spurningu vikunnar. Hægt er að hlusta á líflegar umræður hér fyrir neðan.

*Tekið skal fram að niðurstöður byggjast eingöngu á svörum lesenda Vísis og því ekki hægt að alhæfa um niðurstöður. Kannanir Makamála eru ætlaðar til skemmtunar og til að vekja umræðu og athygli á ýmsum málefnum.

Spurning vikunnar Ástin og lífið

Tengdar fréttir

Föðurland: „Í þetta skiptið breyttust vot augu í hreinan grátur“

„Ég held bara að þolið fyrir allskonar kjaftæði og veseni sé orðið meira hjá okkur en áður en við eignuðumst saman fjögur börn. Það er orðið fátt sem að haggar manni eða kemur manni á óvart lengur,“ segir Björgvin Páll Gústavsson í viðtalsliðnum Föðurland.

30. janúar 2021 12:56

Spurning vikunnar: Hefur þú upplifað skvört-fullnægingu?

Í síðustu viku tóku Makamál viðtal við Siggu Dögg kynfræðing þar sem hún útskýrði hvað það er sem kallast á íslensku saflát (e. Female ejaculation). Skilgreining á safláti er þegar vökvi kemur úr píku kvenna við kynferðislega örvun, samanborið við sáðlát karla. Á ensku er þetta kallað squirting eða að skvörta eins og það hefur verið kallað á íslensku.

29. janúar 2021 08:00

Íris Björk: „Kemur ástin ekki bara þegar hún á að koma?“

„Ég hef ekki fundið neitt fyrir því að það sé eitthvað erfiðara eða léttara að deita á þessum tímum því ég er búin að vera meira og minna í aðgerðum frá því heimsfaraldurinn hófst og alls ekki verið með hugann við stefnumót. En ég kem sterk inn með vorinu og vinn þetta upp á mettíma, djók!“ Þetta segir Íris Björk Tanya Jónsdóttir í viðtali við Makamál.

27. janúar 2021 20:34