Keyrir hundruð kílómetra til að ná flottri drónamynd

Sigurður Helgason, eigandi DJI Reykjavík á Íslandi uppgötvaði listamanninn í sjálfum sér þegar hann fór að taka myndir úti í náttúrunni með dróna. Nú flengist hann um landið og tekur magnaðar myndir sem hann birtir á Instagram. Hann segir auðvelt að stjórna drónanum. Hver sem er geti tileinkað sér þessa tækni og uppgötvað þar með töfra náttúru- og landslagsljósmyndunar.

„Ég var enginn áhugamaður um náttúruna og hélt mig bara á malbikinu. Nú keyri ég fimm til sexhundruð kílómetra eins og landkönnuður bara til að skoða skemmtileg svæði sem ég hef fengið veður af. Það eru svo mögnuð sjónarhorn að finna úr lofti og ég upplifi mínar bestu stundir, einn úti í náttúrunni með drónann,“ 

segir Sigurður. Ísland búi yfir ómældri fegurð og tæknin bjóði upp á óendanlega möguleika sem séu nú á allra færi en ekki einungis tæknigúrúa.

„Fólk miklar þetta fyrir sér og er hrætt við að dróninn skemmist en ég vil meina að það taki fólk innan við fimm mínútur að átta sig á hvernig á að fljúga drónanum. Þetta er mjög einfalt, dróninn gerir ekkert nema með skipunum frá þér. Ef þú gerir ekki neitt lendir hann sjálfur á sama stað og hann tók á loft þegar batteríið er búið,“ segir Sigurður.

„Tæknin í þessum drónum er orðin slík að hægt er að taka mjög flott myndbönd strax á fyrsta degi og með æfingunni nær fólk á mjög skömmum tíma færni sem áður gat tekið mörg ár. Það þarf ekkert námskeið til, á Youtube er að finna fjölmörg stutt myndbönd sem kenna þér miklu meira. Drónar eru líka sniðugir til svo margra nota, veiðimenn nota þá til að leita að bráð og bændur til að leita að búfénaði til dæmis,“ segir Sigurður.

Breitt úrval og frí bílastæði

Glæsileg verslun DJI í miðbænum bíður mikið úrval DJI dróna og aukahluta. Verslunin er eina viðurkennda DJI verslunin á Norðurlöndunum en nýlega herti framleiðandinn kröfurnar til verslana sinna um allan heim og var verslunin á Íslandi sú eina á Norðurlöndunum sem uppfyllti nýja staðla.

„Við lítum á það sem ákveðna viðurkenningu. Við erum í góðu samstarfi við framleiðandann og göngumst undir námskeið og þjálfun til að uppfylla öll skilyrði sem DJI Retail Store,“ segir Sigurður. Viðskiptavinir geti treyst því að fá framúrskarandi þjónustu starfsfólks með sérfræðiþekkingu. „Svo borgum við einnig bílastæði í miðbænum, gegnum Parka appið, fyrir viðskiptavini okkar sem versla fyrir meira en 10.000 krónur,“ bætir Sigurður við.

En hverskonar dróna á að skoða ef gefa á einn slíkan í jólagjöf?

„Vinsælasti dróninn okkar er DJI Mini 2 á 75.990 krónur. Hann tekur upp í 4K gæðum og getur flogið 6 kílómetra frá tökumanni. Dróninn er einungis 249 grömm að þyngd en þolir vindhraða upp að 10 metrum á sekúndu. Hann er ótrúlega meðfærilegur.

DJI Air 2S er einnig vinsæl millistærð af dróna. 

Hann er hlaðinn snjalleiginleikum og getur meðal annars elt þig eða séð til þess að myndefnið sé alltaf inni í rammanum. Air 2S tekur 20 Megapixla myndir, tekur 60 ramma á sekúndu í 4K upplausn og allt að 30 ramma á sekúndu í 5,4K. Hann getur flogið 8 kílómetra frá þér og þolir 10 metra á sekúndu í vindhraða. Þessi dróni er virkilega notendavænn og er frá 164.990 krónur.

Mini2 og Air S2 eru mjög vinsælir fyrir áhugafólk en við erum einnig með græjur fyrir fagmanninn.

Meðal annars Mavic 3 en hann er með Hasselblad myndavél sem skartar stærri myndflögu en þekkist í drónum af þessari stærð en myndflaganer 4/3 CMOS. En hið einstaka HNCS kerfi (Hasselblad Natural Colour Solution) tryggir rétta liti og áferð sem á sér enga líka. Þessi dróni getur flogið allt að 46 mínútur í einu og þolir 13 metra á sekúndu vindhraða. Mavic 3 flýgur 8 kílómetra frá þér og tekur allt að 50 ramma á sekúndu í 5,1K og allt að 120 ramma á sekúndu í 4K. Einnig er hægt að gera hyperlapse á hreyfingu og þá er hann ljósnæmari en sambærilegir drónar. Það sem gerir þennan dróna einstakan er að hann skynjar umhverfið og forðast hindranir sem verða í vegi hans meðanhann eltir þig. Þessi er fullkominn fyrir kvikmyndagerðarmanninn og ljósmyndarann og er á óskalistanum hjá mörgum. Hann er frá 329.990 krónur.

Við eigum einnig til myndavélar sem eru tilvaldar í jólapakkann.

Pocket 2 myndavélina er hægt að vera með í vasanum og ná augnablikunum um leið og þau gerast. Þetta er hágæða 4K myndavél með vélrænum jafnvægisbúnaði svo myndin helst mjúk þó þú sért að hlaupa eða ganga.

DJI Action2 myndavélina er hægt að festa utan á fötin sín og hún tekur upp frá þínu sjónarhorni allt sem þú ert að gera. Hún er mjög vinsæl, með tvo skjái, framan og aftan á. Hægt er að taka annan skjáinn af svo myndavélin er mjög nett og fyrirferðarlítil.

Þá eigum við til fjölda aukahluta, meðal annars jafnvægisstangir til að taka upp myndbönd með símanum. Þær taka út allan hristing og eru til dæmis frábærar til að gera fjölskyldumyndböndin fagmannleg.“

Nánari upplýsingar á djireykjavik.is