Fann mun eftir fyrstu nóttina með Magnesíum Optinerve frá Cure S­upp­ort

Eins og við eflaust flest vitum gegnir steinefnið magnesíum gríðarlega stóru hlutverki í líkama okkar. Ýmsar tegundir eru til af magnesíum sem hafa mismunandi áhrif á líkama okkar en ein þeirra er tegundin magnesíum bisglycinate. Þessi tegund hefur ýmsa góða kosti og getur m.a. hjálpað til við vöðvaslökun og andlega slökun ásamt því að valda ekki hægðalosun. Magnesíum Optinerve frá Cure Support er einstaklega þægileg blanda sem inniheldur meðal annars magnesíum bisglycinate og er í fljótandi formi. Auk þess er hún unnin með Liposomal tækni sem gerir það að verkum að álagið á magann og meltingarkerfið er mun minna en af sambærilegum vörum. Magnesíum Optinerve er frábær blanda fyrir einstaklinga sem lifa virkum lífsstíl og vilja styðja við heilbrigði beina og vöðva.

Magnesíum er einstaklega mikilvægt steinefni

Magnesíum spilar mikilvægt hlutverk í að viðhalda almennu heilbrigði og efla okkur andlega sem líkamlega. Þetta gríðarlega mikilvæga steinefni spilar nauðsynlegt hlutverk í yfir 300 lífefna- og lífeðlisfræðilegum ferlum í líkama okkar en magnesíum er fjórða algengasta efnið í líkamanum. Magnesíum stuðlar m.a. að eðlilegri vöðvastarfsemi og prótínmyndun ásamt viðhaldi eðlilegra beina og tanna en jafnframt er magnesíum nauðsynlegt fyrir hjarta- og æðakerfi, alla orkuvinnslu í líkamanum sem og blóðsykursjafnvægi. Magnesíum hefur einnig þann kost að hafa róandi áhrif á taugakerfið og hefur þannig slakandi áhrif á líkama og sál. Skortur á magnesíum getur verið erfitt vandamál sem getur sýnt sig í ýmsum kvillum, svo sem óeðlilegum hjartslætti, skjálfta og krampa. Merki um skort geta einnig komið fram í gegnum miðtaugakerfið þar sem skortur getur m.a. tengst svefnleysi eða eirðarleysi. Til þess að koma í veg fyrir skort er m.a. mikilvægt að borða magnesíum ríka fæðu sem og notast reglulega við góða magnesíum viðbót í formi bætiefna.

Hrafn Davíð Hrafnsson átti erfitt með svefn

,,Ég átti við mikið svefnvandamál að stríða, sama hversu þreyttur ég var á kvöldin. Þegar ég lagðist á koddann átti ég alltaf erfitt með að sofna en ég var að kljást við mikinn RSL eða restless leg syndrom (e. fótapirring). 

Ég var yfirleitt að vakna eftir einungis 30 mínútna svefn og lá þá andvaka langt fram eftir nóttu. 

Ég las mig til um allskyns leiðir til þess að aðstoða við svefn og koma í veg fyrir þennan sífellda fótapirring. Ég hlustaði einnig á podcast með prófessor Andrew Huberman þar sem hann tók svefn alveg fyrir en eitt af hans helstu meðmælum til þess að auka gæði svefns er að taka inn magnesíum bisglycinate. Hann útskýrir hversu fjölbreytt úrval er til af magnesíum sem hafa mismunandi áhrif á líkama okkar en þessi tegund, magnesíum bisglycinate er sérstaklega þekkt fyrir að róa og slaka á kerfinu okkar fyrir svefn sem og koma í veg fyrir fótapirring“

Ákvað að prufa Magnesíum Optinerve og fann strax mun

„Eftir að hafa leitað frekar lengi að rétta magnesíuminu fann ég loksins Magnesíum Optinerve blönduna og sá að hún inniheldur einmitt magnesíum bisglycinate og ákvað að prufa, en fyrstu nóttina eftir að hafa tekið þetta, svaf ég alveg rotaður alla nóttina. Ég er með sérstakt svefngreiningar app í úrinu mínu sem greinir hversu mikinn djúpsvefn, REM svefn og slíkt ég næ en eftir fyrstu nóttina voru allir hringirnir í fyrsta sinn grænir sem mér þótti magnað. 

Annað sem ég tók eftir var að minnið mitt var allt í einu orðið mun betra, og mundi til dæmis allt í einu hvar týnda peysa sonar míns hafi endað. Ég tengi þetta meðal annars við betri gæði og lengd djúpsvefns míns þar sem heilinn nær að vinna almennilega úr minningum og atburðum dagsins.

Mér þykir best að taka inn magnesíum um 30 mínútum fyrir svefn til að hámarka áhrif þess en að auki finnst mér frábær kostur að þetta magnesíum er í fljótandi formi sem gerir inntökuna svo ótrúlega einfalda fyrir svefn, ég helli einfaldlega 5ml útí smá vatn og drekk síðan.‘‘ segir Hrafn Davíð um tilkomu Magnesíum Optinerve í sína kvöldrútínu og mælir hiklaust með.

Magnesíum Optinerve frá Cure Support

Magnesíum frá Cure Support hefur þá sérstöðu að það er framleitt með Liposomal tækni. Liposomal eru örlitlar kúlulaga loftbólur sem samanstanda af einu eða fleiri fosfólípíðum sem eru náttúruleg lípíð eða fita. Tæknin gerir það að verkum að bætiefnið virkar hraðar og betur ásamt því að líkaminn á auðveldara með að nýta næringarefnin og ver þau fyrir efnum í meltingarkerfinu sem geta haft áhrif á upptöku. Upptakan verður mun skilvirkari og tryggir tæknin hámarks nýtingu og upptöku næringarefnanna í líkamanum. Magnesíum Optinerve frá Cure Support er frábær kostur fyrir öll þau sem vilja hámarka slökun og bæta svefngæði til muna.