Hanna draumareitinn fyrir sumarið

„Nú er fólk að vakna úr dvala eftir veturinn og margir farnir að setja sig í stellingar til að betrumbæta garðinn, lóðina og innkeyrsluna,“ segir Ásbjörn Ingi Jóhannesson, sölustjóri hellna og garðeininga hjá BM Vallá. 

„Við finnum nú fyrir verulegum áhuga hjá fólki að fegra nærumhverfið við heimilin eða bústaðinn og taka til hendinni í garðinum. Flestir byrja á almennum þrifum, en í kjölfarið kvikna hugmyndir um hvað megi betrumbæta til að gera góðan garð enn betri. Þá er vinsælt að heimsækja okkur í Breiðhöfðann og kíkja við á sýningarsvæðinu í Fornalundi og fá góð ráð hjá söluráðgjöfum okkar,“ bætir hann við.

Hanna planið í teikniforriti

Til þess að aðstoða viðskiptavini við að hanna og skipuleggja þeirra eigin rými, býður BM Vallá upp á teikniforrit á vefsíðu sinni þar sem hægt er að máta og prófa mismunandi hellur, hleðslusteina og aðrar garðeiningar, eins og sorptunnuskýli. Með teikniforritinu frá BM Vallá er hægt að setja inn mynd af innkeyrslunni og máta mismunandi tegundir af hellum og hleðslusteinum. Einnig er hægt að setja inn sorptunnuskýli og velja úr mismunandi tegundir. Þessi leið hefur verið afar vinsæl, enda fljótleg og án kostnaðar fyrir viðskiptavini.

Landslagsarkitekt veitir ráðgjöf

Landslagsarkitektinn Lilja Kristín Ólafsdóttur býður viðskiptavinum upp á faglega aðstoð og ráðgjöf við að móta þeirra draumagarð. Hægt er að velja um nokkrar mismunandi leiðir, allt eftir þörfum og óskum hvers og eins.

„Með landslagsráðgjöf er hægt að fá afar gagnlegar ráðleggingar við útfærslu hugmynda fyrir garðinn, planið og lóðina sem byggir á okkar vörulínu. Lilja Kristín veitir viðskiptavinum 45 mínútna landslagsráðgjöf sem fer fram í Lysthúsinu við Breiðhöfða. Þar eru hugmyndir að garði eða plani mótaðar í sameiningu við viðskiptavininn. Fimm til tíu dögum eftir ráðgjöfina kemur svo þrívið teikning, efnislisti og verðtilboð í efnið. Þetta hefur reynst viðskiptavinum okkar mjög vel og með þessu er hægt að sjá vel fyrir sér hvernig verkið mun líta út í raun og skapa þannig draumareit heimilisins,“ segir Ásbjörn.

Hellur fyrir alla

BM Vallá er með landsins mesta úrval af hellum, steinum, hleðslum og kantsteinum sem henta útisvæðum af öllum stærðum og gerðum.

„Við skiptum oft útisvæðinu við heimilið upp í bílastæði, og svo verandir og stíga og erum með mjög fjölbreytt úrval af ýmsum gerðum og litum í öllum þessum flokkum,“ segir Ásbjörn.

Hann nefnir sérstaklega Veranda-hellurnar sem vinsælustu valkosti fyrirtækisins. Þær eru 60x40x7 cm að stærð, þéttlega lagðar og án fösunar. Einnig er Vínarsteinn vinsælir, dropalaga með stórum fúgum, sem veita náttúrulega útlitið. Fyrir innkeyrslur eru þriggja steina kerfin, eins og Óðalssteinn, einnig áberandi vinsælir, með sígildri og veðraðri ásýnd sem hentar fjölbreyttum umhverfum. Að auki hafa stórar hellur orðið vinsælar, sérstaklega nýjar stærðirnar 60x60x8 cm, sem eru fáanlegar með sléttu eða steinflöguðu yfirborði og henta vel í innkeyrslur.

Steypt sorptunnuskýli

Mikil eftirspurn hefur verið eftir hentugum sorptunnuskýlum og framleiðir BM Vallá nokkrar tegundir af slíkum skýlum sem henta bæði einbýlum, fjölbýlishúsum og fyrirtækjum.

„Það hefur verið mikil aukning í eftirspurn á sorptunnuskýlum á Íslandi í kjölfar áherslna sveitarfélaga um fjölda tunna á lóðum. Við erum því með skýli sem taka mið af þessum þörfum og hægt er að stækka þau eftir hentisemi með því að bæta við einingum. Allar vörur okkar eru framleiddar á Íslandi eftir viðurkenndum gæðastöðlum sem henta við íslenskar aðstæður. Þá leggjum við mikla áherslu á umhverfismálin og höfum sett okkur það markmið að vera umhverfisvænasti steypuframleiðandi landsins,“ segir Ásbjörn.

Umhverfisvænni valkostur

Ásbjörn greinir frá því að sveitarfélög hafi í síauknum mæli lagt stund á að þróa aðlaðandi og skemmtileg útivistarsvæði á síðustu árum. "Þörfin fyrir græn svæði, almenningsgarða og leiksvæði í borgum og bæjum er sívaxandi, og sveitarfélögin standa frammi fyrir mörgum spennandi áskorunum í þessum efnum. Við hjá BM Vallá höfum verið í fararbroddi við að útbúa vörueiningar fyrir sveitarfélög, með úrval sem hentar fyrir fjölbreytt verkefni," útskýrir hann.

Hann bætir við, "Nýlega höfum við einnig sett markaðinn á hliðina með gegndræpum hellum, sem við köllum ofanvatslausnir, sem leyfa vatninu að síast niður í jarðveginn, stuðla að náttúrulegri vatnshringrás. Slíkar lausnir hafa orðið vinsælar meðal hönnuða og eru hluti af vörulínu okkar."

Hægt er að skoða vöruúrvalið á bmvalla.is og teikna upp innkeyrsluna með teikniforritinu. Þar er líka hægt að panta landslagsráðgjöf eða á Noona appinu.