Það sem ekki má fjalla um fyrir kosningar til Al­þingis

Ef næstu Alþingiskosningar myndu snúast um að víkja menningu okkar, mannréttindum og trú til hliðar fyrir hugmyndafræði Islam, hvernig mundir þú kjósa?

Þegar skoðuð er þróun islamvæðingar ýmissa þjóða Evrópu kemur í ljós fylgni á stuðningi vinstri stjórnmálaafla einstakra þjóða og aukinnar islamvæðingar þeirra. Einnig kemur fram að fylgjendur Islam, sem fá landvistarleyfi og pólitísk hæli í þessum löndum, kjósa að meirihluta vinstri stjórnmálaflokka, þá sömu og greiddu götu þeirra inn í landið, og treysta þannig grundvöll og útbreiðslu Islam í viðkomandi landi. Þróunin sýnir einnig að olíuríkin við Persaflóa verja fúlgum fjár til útbreiðslu Islam í Evrópu með fjármagni til bygginga moska ásamt framlögum til áhrifafólks í stjórnmálum.

Íslenskur veruleiki

Nærtækt dæmi um þetta er þegar konungur Saudi Arabíu sendi opinberan fulltrúa sinn á fund forseta Íslands með 1milljón dollara í farteskinu eða jafnvirði tæplega 140millj Ísk á núvirði til afhendingar félags múslima til byggingar mosku í Rvk.

Könnun á fylgni stjórmálastefna og islamvæðingar var framkvæmd hér á Íslandi 2021. Sú könnun sýndi ámóta þróun hér á landi og í Evrópu - að islamvæðing á sér stað með stuðningi vinstri stjórnmálaafla auk Viðreisnar, sem að þessu leiti virðist draga dám af vinstri stjórnmálaflokkum í Evrópu. Í sömu könnun kom einnig fram eindregin afstaða meirihluta Íslendinga gegn islamvæðingu. 

https:// kjarninn.is/skodun/vidhorfskonnun-gallup-trumal/

Inngilding vinstri flokkanna

Hjálpar ekki aukin fræðsla og öflug inngilding flóttamönnum frá islömskum ríkjum að aðlagast menningu nýju heimkynnanna og kemur þannig í veg fyrir islamvæðingu samfélagsins?

Nei. Áratuga reynsla annarra Evrópuþjóða sýnir að það gerist ekki. Jafnvel þó dæmi séu um að tími og orka fyrstu kynslóða innflytjenda frá islömskum menningarheimum fari í að koma sér fyrir í nýjum heimkynnum, sýnir þróunin að stór hluti annarar og þriðju kynslóðar fer gegn siðmenningu og gildum þeirrar þjóðar sem hjálpaði foreldrum þeirra, öfum og ömmum, og vilja frekar taka upp sharia lög og umbreyta þannig stjórnarfari viðkomandi landa í islömsk kalifat. Krafa af hálfu afkomenda innflytjenda sem eru fylgjendur Islam er þegar komin á fullt innan margra Evrópulanda, t.a.m. Frakklands, Belgíu, Bretlands og Svíþjóðar þó framangreindar þjóðir séu mun fjölmennari en Íslendingar. Í tilviki Íslendinga, sem eru einungis tæplega 400þúsunda örþjóð, taka slík menningar-umskipti ekki nema örfáa áratugi.

 https://www.pewresearch.org/religion/2015/04/02/religious-projections-2010-2050/

En er nokkuð athugavert við að skipta út Íslenskri menningu fyrir þá hugmyndafræði sem Islam grundvallar?

Nei, ekki ef þú ert sáttur við að færa nútíma samfélag aftur til miðalda með skertu tjáningarfrelsi, skertum kvennréttindindum, skertu kynfrelsi með banni við samkynhneigð, skertu trúfrelsi með banni við kristni og öðrum trúarbrögðum, endalok lýðræðis með tíð og tíma, og upptöku hefndarréttar í stað þess réttarkerfis sem í dag grundvallast á betrunar-tengdri refsingu, fyrirgefningu og endurhæfingu.

Af hverju flýr fólk lönd sem grundvalla stjórnskipunina á Islam?

Fólk flýr eðlilega islömsk einræðisríki vegna skorts á friði, tjáningarfrelsi, trúfrelsi, lýðræði, jafnrétti, kynfrelsi og launajöfnuði svo fátt eitt sé nefnt. Islömsk ríki standast engan vegin samanburð við vestræn ríki sem grundvalla stjórnarfar sitt á mannréttindum, lýðræði og kristnum gildum.

Af hverju heldur sumt flóttafólk áfram að kenna sig við Islam í nýjum heimkynnum sínum?

Flóttafólk sem kemur frá löndum Islam losnar ekki undan þeirri ánauð sem hugmyndafræðin grundvallar vegna túlkunar meirihluta múslima á ritningunni um að dauðarefsing liggi við að yfirgefa Islam eða í besta falli samfélagsleg útskúfun og afneitun vina og ættingja sem í upprunalandinu búa og þeirra islam-fylgjenda sem í nýja landinu dvelja. Hugmyndafræði Islam kemur því í veg fyrir aðlögun flestra þó á slíku séu einhverjar undantekningar.

Er það rasismi að vekja athygli á neikvæðum áhrifum Islam?

Svari hver fyrir sig. Gagnrýnin beinist ekki gegn kynþætti, uppruna eða húðlit. Hún beinist gegn hugmyndafræði sem réttlætir kúgun gegnum pólitísk og trúarleg sharia lög sem eru lokatakmark í öllum löndum þar sem Islam kemst í ráðandi stöðu. Eitt sinn voru Mið Austurlönd vagga Kristni en eru nú að meirihluta Islömsk einræðisríki. Áður var Afghanistan friðsamt ríki Búddisma en er nú undir Islam með afleiðingum sem öllum er kunn. Gagnrýnin beinist gegn hugmyndafræði sem elur af sér samfélög pólitísks trúarfasisma en ekki einstaklingum. Hugmyndafræði þessi hefur alið af sér rúmlega 46þús hryðjuverk á umliðnum 24árum sem eru þó einungis u.þ.b. 10% þeirra hryðjuverka sem ná fram að ganga. Hin 90% eru upprætt af leyniþjónustum vesturlanda áður en jihadistar ná að fremja ódæðin. https://www.thereligionofpeace.com

En eru þá allir fylgjendur Islam öfgafólk?

Nei,alls ekki, enda beinist gagnrýnin ekki gegn fólki, heldur hugmyndafræði. Meiri hlutinn er friðsamt fólk en kannanir hafa sýnt að 10-15% fólks aðhyllist öfgana, sem hugmyndafræðin felur í sér, og er það sama hlutfall sem yfirleitt nær völdum og heldur meirihlutanum í gíslingu, sbr. klerkastjórnina í Íran og Talibana í Afganistan svo tvö dæmi af mörgum séu nefnd. Islam telur í dag 1.8milljarða fólks sem þýðir að 10-15% hlutfall eru 180-270milljónir sem einhverjum þætti ógnvænlegur fjöldi einstaklinga sem aðhyllast útbreiðslu Islam gegnum jihad.

Örstutt um hugmyndafræði Islam versus Kristni

Hugmyndafræði Islam og Kristni eru mótuð af djúpstæðum grundvallar ágreiningi sem á rætur sínar í kjarnaþáttum trúarhugmynda þeirra. Hugmyndafræði Islam byggist á trúarlegum grundvelli þar sem lög, trú og stjórnmál eru samtvinnuð trúarbrögðunum gegnum sharia öfugt við Kristni þar sem trúin er fullkomlega aðgreind stjórnmálum.

1) Sharia-lög og stjórnmálaleg afskipti:

Hugmyndafræðin um stjórnmálaleg afskipti Islam kemur í ljós þegar sharia er sett fram sem grunnur fyrir löggjöf og stjórnsýslu í islömskum löndum. Margir islamskir fræðimenn telja að stjórnmál eigi að vera undirgefin lögum allah vegna þess að allah sé hæsti lögmálsgjafinn, og að rétt samfélag sé þess vegna aðeins hægt að grundvalla á sharia-lögum. Þessi hugmynd leiðir til þess að trúarkerfi Islam, sem krefst algjörrar undirgefni fylgjendanna við vilja allah, hefur ekki einungis víðtæk áhrif á stjórnmál, heldur eru stjórnmál í eðli sínu. Stjórnmál, sem undirokuð eru túlkunarhefð fræðimanna Islam, sem líf sitt og velmegun eiga undir þeim klíkum sem völdum ná með ofbeldi hverju sinni, og gera sig að konungum, emírum eða soldánum með einræðis og alsherjar yfirráð yfir lýðnum í ímynduðu umboði allah. Kjarni hugmyndafræðinnnar útilokar þannig eðlilega lýðræðisþróun eins og við þekkjum á vesturlöndum.

Sharia er þannig einstakt trúarlegt réttarkerfi á heimsvísu sem myndast út frá sér-islamskri allah-fræði, grundvallað á Kóraninum, Sunnu (hefðum spámannsins Múhameðs), og túlkun fræðimanna Islam á þeim. Sharia nær yfir öll svið mannlegra samskipta, bæði persónulegra og samfélagslegra, og felur í sér reglur um siðferðilega hegðun, trúarlegar skyldur, félagslegt réttlæti, viðskipti og réttarkerfi dómstóla og stjórnmála í óaðskiljanlegri samtvinnun trúarlegs og veraldlegs valds. Trúarlegt siðferði innan Islam yfirskyggir því allt veraldlegt stjórnarfar.

2) Afneitun Islam á krossfestingu og upprisu Jesú:

Islam verður til á sjöundu öld e.Kr. og byrjar strax að höggva að rótum Kristinnar trúar með afneitun á krossfestingu og upprisu Jesú Krists. Kóraninn segir að Jesús (Ísa á arabísku) hafi verið spámaður, en ekki sonur Guðs, (túlkað allah af Islam), og að hann hafi ekki verið krossfestur.

Krossdauði og upprisa Jesú eru miðlægir þættir í kristinni trú og grundvalla hana. Samkvæmt kristinni trú dó Jesús fórnardauða á krossinum til að frelsa mannkynið frá syndum sínum og reis svo upp frá dauðum sem tákn upprisu og eilífs lífs. Kóraninn gefur hins vegar í skyn að Jesús hafi ekki verið krossfestur og í hans stað hafi einhver annar verið settur á krossinn, (Kóraninn, 4:157). Til að halda slíku fram 610 árum e.Kr. þarf auðvitað að falsa boðskap guðspjallana og sögu kristinna fræða með eftirá skýringum sem standast ekki trúar-sögulega skoðun. Tilgangur Islam er því einstakur í mannkynssögunni. Að stofna til valdboðandi hugmyndafræði í formi trúarbragða, grundvölluð á hefndarrétti, með það megin markmið að afvegaleiða fólk frá Jesú Kristi, syni Guðs, til fylgis við allah. Slík trúartengd hugmyndafræði gengur ekki einungis gegn kærleikslögmáli Guðs heldur er mótsögn við þá fullyrðingu fylgjenda Islam að allah sé góður og rétttlátur.

Afneitun Islam á framangreindum trúarþáttum Kristinna kenninga brýtur því gegn grundvelli Kristinnar trúar. Með því að afneita krossdauða og upprisu Jesú, hafnar Islam þeirri hugmynd að frelsun mannsins eigi sér stað í gegnum fórn Jesú Krists og að hann geti því ekki verið sonur Guðs. Islömsk afstaða er því sú að Jesús sé spámaður sem boðaði einingu Guðs (túlkað allah af islamistum) og að frelsun mannkyns felist í því að fylgja boðorðum allah eins og þau eru sett fram í Kóraninum, en ekki í fórn og krossdauða Jesú Krists með upprisunni, samkvæmt Guðspjöllum Nýja Testamenntisins, sem grundvölluð eru í þúsunda ára gömlum kenningum og spádómum Gamla Testamenntisins.

Islamskur rétttrúnaður leggur því áherslu á lögmál allah, sem þeir telja hinn eina sanna guð, sem á að hafa opinberað Koraninn, sem þeir telja hina einu sönnu ritningu, í gegnum Múhameð, sem þeir telja að hafi verið síðasta spámanninn, til alls mannkyns að lúta, með góðu eða illu.

Islömsk hugmyndafræði rekur víða í öngstræti trúarlegra, siðferðilegra og sögulegra mótsagna og má benda á eina þá mest hrópandi sem mæld var af vörum Jesús Krists sex öldum fyrir tilurð Islam. Jesús sagði: “Ég er vegurinn, sannleikurinn og lífið. Enginn kemur til Föðurins nema fyrir mig. Ef þér hafið þekkt mig munuð þér þekkja Föður minn. Héðan af þekkið þér hann.” Jóh.14:6-7. Í þessu guðspjalli tekur Jesús af allan vafa um að hann er í Föðurnum og Faðirinn í honum og að engin leið sé að Guði kærleika og réttlætis nema gegnum hann.

Aðskilnaður trúar og veraldlegra stjórnmála í Kristni

Þó Jesús hafi gagnrýnt hræsni og skinhelgi trúarlegra yfirvalda þá var hann skýr, eins og ávalt, þegar kom að veraldlegu stjórnarfari. Jesús lagði áherslu á aðskilnað stjórnmála og trúar með orðunum: „Gjaldið keisaranum það sem keisarans er, og Guði það sem Guðs er“ (Matteus 22:21). Hann viðurkenndi þar með ábyrgð gagnvart veraldlegum stjórnvöldum, eins og skattgreiðslu, en benti á að trúarleg skylda til Guðs væri æðri og aðskilin. Jesús boðaði þannig andlegt ríki Guðs, ríki kærleikans, en ekki pólitíska valdatöku, og sagði: „Mitt ríki er ekki af þessum heimi“ (Jóhannes 18:36). Þetta eru skýr skilaboð frelsarans um aðskilnað ríkis og kirkju. Skilaboð sem vestræn ríki grundvalla stjórnskipanina á og skapað hefur rými fyrir lýðræðið að þroskast, eins og við þekkjum það í dag. Lýðræði sem á hugmyndafræðileg upptök í Grikklandi u.þ.b. 508 árum f.Kr. Sé tekið mið af hversu afgerandi áhrif Kristin trú hefur haft á hugarfar mannkyns og mótun siðferði samfélaganna er óhugsandi að sú lýðræðisþróun nútímans, eins og við þekkjum hana, hafi náð að þroska samfélögin án þess rýmis sem Jesús undirstrikaði í innblæstri Guðs Föðurs.

Aðför Islam að Kristni

Pólitísk hugmyndafræði Islam eru einu skipulögðu trúarbrögðin á heimsvísu sem aðlagast ekki Kristinni trú, sögu og menningu, og lítur til Kristinna sem infidels eða trúleysingja. Við islamvæðingu Miðausturlanda sem hófst á sjöundu öld e.Kr. gáfu þeir Kristnum þrjá megin afarkosti: 1) Að afneita Jesú Kristi og snúast til Islam. 2) Að vera afhöfðaðir. 3) Að gerast þriðja flokks þegnar og greiða sérstakan skatt (jitza) umfram aðra. Skatt sem líkja má við þann sem skipulögð glæpasamtök mafíunnar notaðist við og þekkt er orðið á ný víða um islamvædd borgarhverfi einstakra svæða í löndum Evrópu. Mest ofsóttasti trúarhópur veraldar er ekki islamistar heldur Kristnir sem skipulögð hryðjuverkasamtök hinnar fyrrnefndu hugmyndafræði hafa hundelt umliðin 1.400 ár eða svo og gera enn. https://www.opendoors.org/en-US/persecution/countries/

Aftur að Íslenskum veruleika

Þegar vakin er athygli á fylgni Islamvæðingar vinstri stjórnmála hér á landi má ryfja upp að fráfarandi borgastjóri Reykjavíkur Dagur B. Eggertsson, sem nú skipar annað sæti á lista Samfylkingarinnar til Alþingis, hefur varið stjórnmála ferli sínum í að greiða götu Islam á kostnað Kristni. Þetta hefur hann gert með stuðningi annara vinstri flokka, V.G., Pírata og Viðreisnar, (sem reyndar kallar sig hægri flokk). D.B.E. lét 104 ára kristilegt trúfélag Hjálpræðishersins greiða 50millj fyrir lóð undir kirkju og stuðningsmiðstöð fyrir okkar minnstu bræður og systur sem Herinn hefur sinnt af líknsemi umliðin hundrað ár. Á sama tíma gaf hann gjaldfría lóð til byggingar islamskrar mosku við hliðina á Hernum til félags múslima. Við hverju mega kjósendur búast við af stjórnmálamanni eins og Degi B.Eggertssyni í ráðherraembætti Samfylkingarinnar, t.a.m. sem Dóms og kirkjumálaráðherra?

Það sem ekki má fjalla um fyrir kosningar til Alþingis

Fyrirsögn þessarar greinar endurspeglar þann daglega veruleika sem fólk býr við innan Islam. þar sem tjáningarfrelsið er svo heft að dauðarefsing liggur við að teikna skopmyndir, skrifa skáldsögu, eða að leiðbeina nemendum í inngildingu um stjórnarskrárákvæði tjáningafrelsisins svo fátt eitt sé nefnt. Saklaust starfsfólk á skrifstofu tímaritsins Charlie Hebdo var myrt um hábjartan dag af islamistum með AK 47 árásarrifflum fyrir skopmyndir í tímariti. Salman Rushdie, rithöfundur og handhafi bókmenntaverðlauna Nobels, var nýlega sýnt banatilræði af islamista á fræðslu-fyrirlestri fyrir það eitt að skrifa skáldsöguna Söngvar Satans fyrir áratugum síðan. Franskur kennari, Samuel Paty var afhöfðaður af islamista fyrir framan nemendur sína á skólalóðinni um hábjartan dag fyrir uppfræðslu í Frönsku stjórnarskránni. Engar af framangreindum árásum voru framkvæmdar í Miðausturlöndum, heldur í vöggu siðmenningar okkar og lýðræðis, Evrópu og Bandaríkjunum. Í hnotskurn er iðkun málfrelsis í Evrópu nútímans lífshættulegt fyrir þann sem gagnrýnir hugmyndafræði Islam. Og er greinarhöfundur í engu þar undanskilinn. Framangreind dæmi eru auðvitað brotabrot af árásum jihadista gegn saklausu fólki víða um heim fyrir það eitt að vera á annari skoðun eða yfir höfuð hafa enga skoðun á Islam heldur einungis vera að sinna erindum sínum á röngum stað og á röngum tíma. Einu gildir hvort um er að ræða börn, fullorðna, afa, ömmur, frændur eða frænkur.

Af hverju skyldu í dag vera starfrækt 101 islömsk hryðjuverkasamtök sem hreiðrað hafa um sig í flestum löndum heimsins? Og hvert skyldi vera lokatakmark þeirrar hugmyndafræði, sem elur af sér slíka tvíhyggju að hún hvetji til og réttlæti dráp á saklausu fólki á sama tíma og hugmyndafræðin kennir sig við miskunnsaman allah og frið? Ég eftirlæt lesendum að mynda sér eigin skoðun á svörum þessara spurninga. https://www.thereligionofpeace.com

Ísland er örþjóð og menningar-umskipti taka aðeins örfáar kynslóðir. Aðhyllist fólk afnám vestrænna mannréttinda og inngildingu sharia laga fyrir afkomendur sína þá kýs það vinstri stjórnmálaflokka, Pírata eða Viðreisn. Aðhyllist fólk nútíma mannréttindi og lýðræði kýs það hægri stjórnmálaflokka.

Ógerningur er að skilja samfélög nútímans án þess að hafa innsýn í hugmyndafræði þeirra trúarbragða sem mótað hafa hugsun mannsins gegnum tíðina. Umræðuhefðin, eins hún er nú, grundvölluð á vanþekkingu en drifin áfram af hlutdrægum þrýstihópum Islam, yfirskyggir gagnrýna hugsun og stuðlar að þeirri skörun að lýðræði og mannréttindi eiga undir högg að sækja fyrir trúarlegum fasisma.

Til að öðlast yfirgripsmikla innsýn í islamska hugmyndafræði, byggt á Kóraninum, hadíðum, sunnunni og sharía-lögum, þarf að lesa 6.600 til 12.000 síður.

Til að öðlast yfirgripsmikla innsýn í Kristna trú þarf að lesa Biblíuna ásamt ýmsum fræðslu og sögutengdum bókmenntum sem telja allt að 10 þús blaðsíður.

Í þessum efnum hafa þrír af megin stólpum vestrænna lýðræðiskerfa brugðist.

Í fyrsta lagi, akademískar menntastofnanir sem virðast illfærar að skilja áhrifamátt hinna mismunandi trúarbragða sögunnar á mannlega hugsun til góðs eða ills með það að markmiði að fræða ungt fólk um áhrif skaðlegrar hugmyndafræði á hugsun og framtíð samfélagana.

Í öðru lagi, meginstraums fjölmiðlar, sem af þekkingarskorti á sögu og ritningum trúarbragða hafa fjallað um Islam af jákvæðri hlutdrægni á kostnað Kristni, sem fallin er í þöggun.

Í þriðja lagi, stjórnmálafólk og flokkar til vinstri, sem hafa gert sig sek um að kynna sér ekki ritningu Nýja Testamenntisins og jákvæð áhrif þess til mótunar vestrænna samfélaga og á sama tíma að vanrækja að kynna sér flókið samspil pólitískrar hugmyndafræði Islam og hvernig hún vegur að kristinni siðmenningu, lýðræði, mannréttindum og trú.

Hver hugsandi maður, sem eitthvað hefur lesið sér til gagns, veit að hugmyndafræði Islam er ógn við frjálsa hugsun, lýðræði og mannréttindi, nokkuð sem er hrópandi staðreynd í sögulegu samhengi.

Ef næstu Alþingiskosningar snúast um að víkja menningu okkar, mannréttindum og trú til hliðar fyrir Islam, hvernig mundir þú kjósa?

Á Íslandi búum við ennþá við málfrelsi og lýðræði. Ef þú ert fylgjandi Islamvæðingu kýstu auðviitað vinstri flokka, Pírata eða Viðreisn, en sértu fylgjandi lýðræði, frelsi og mannréttindum kýstu hægri flokka eða þá miðju sem skýra afstöðu hefur tekið með Íslenskum lýðræðis gildum, mannréttindum og Kristni. Næstu Alþingingiskosningar, og kosningar næstu ára og áratuga, snúast um að vernda lýðræði okkar, menningu, mannréttindi og trú gagnvart alvarlegustu ógn vesturlanda, hugmyndafræði Islam.

Valið er í þínum höndum.

Góðar stundir.

Höfundur er frumkvöðull og áhugamaður um frjálst samfélag, lýðræði, kristna trú og gildi.