Kosningar 2010

Besti flokkurinn fundar um næstu skref

Besti flokkurinn er að fara að funda um næstu skref í borgarstjórn en flokkurinn stendur óvænt með pálmann í höndunum eða sex borgarfulltrúa kjörna. Í Silfri Egils í hádeginu sagði Jón Gnarr, oddviti flokksins, að hann þyrfti að tala við sína flokksmenn áður en næstu skref yrðu ákveðin en sá fundur hófst fyrir stundu.

Innlent 30.5.2010 14:31

Dagur gerir ekki kröfu um borgarstjórastólinn

Dagur B. Eggertsson, oddviti Samfylkingarinnar, er ekki á leið úr borgarstjórnarpólitíkinni þrátt fyrir að flokkur hans hafi beðið afhroð. Hann gerir fastlega ráð fyrir því að ræða við Jón Gnarr í dag um meirihlutasamstarf og gerir ekki kröfu um borgarsstjórastólinn.

Innlent 30.5.2010 13:45

Sigrún Björk segir árangur L-listans glæsilegan

„Mín fyrstu viðbrögð eru bara hamingjuóskir til l listans,“ segir Sigrún Björk Jakobsdóttir, oddviti Sjálfstæðisflokksins á Akureyri. „Þetta var glæsileg kosning og flottur sigur hjá þeim,“ segir Sigrún Björk í samtali við Vísi. L-listinn fékk 6 menn kjörna á meðan að önnur framboð fengu einn mann hver.

Innlent 30.5.2010 13:29

Einar Skúlason: „Ætla að einbeita mér að því að vera ástfanginn“

„Þetta er náttúrulega áfall fyrir mig persónulega og flokkinn,“ segir Einar Skúlason, oddviti Framsóknarflokksins í Reykjavík, en Framsóknarflokkurinn náði ekki endurkjöri í borgarstjórn í gær. Framboðið skilaði honum hinsvegar ástinni.

Innlent 30.5.2010 11:46

Kosningarnar upphafið að endalokum fjórflokksins

Jóhanna Sigurðardóttir, forsætisráðherra, sagði á kosningavöku ríkissjónvarpsins í gær, að hún teldi kosninganiðurstöðurnar í raun og veru upphafið að endalokum fjórflokksins. Hún sagði Samfylkinguna taka þessi skilaboð mjög alvarlega en flokknum gekk ekki mjög vel á landsvísu.

Innlent 30.5.2010 09:41

Meirihlutar féllu víða

Mynda þarf nýja meirihluta í mörgum af helstu sveitarfélögum á landinu. Meirihluti sjálfstæðismanna og framsóknarmanna í Reykjavík kolféll. Hið sama má segja um meirihluta Sjálfstæðisflokksins og Samfylkingarinnar á Akureyri. Þá féll meirihluti Sjálfstæðisflokksins og Framsóknarflokksins í Kópavogi. Einnig féll meirihluti Sjálfstæðisflokksins á Akranesi.

Innlent 30.5.2010 09:24

Allir nýir borgarfulltrúar koma af Æ-lista

Sex nýir borgarfulltrúar taka sæti í borgarstjórn Reykjavíkur að loknum kosningum sem fram fóru í gær. Þeir eru allir af lista Besta flokksins. Borgarfulltrúar Sjálfstæðisflokksins, Samfylkingarinnar og Vinstri hreyfingarinnar - græns framboðs sátu allir í borgarstjórn á liðnu kjörtímabili.

Innlent 30.5.2010 08:21

Besti flokkurinn sigurvegari - talningu lokið í Reykjavík

Besti flokkurinn er með sex borgarfulltrúa kjörna, þegar búið er að telja öll atkvæði í Reykjavík. Sjálfstæðisflokkurinn er með fimm borgarfulltrúa kjörna. Samfylkingin er með þrjá borgarfulltrúa og VG einn. Aðrir flokkar ná ekki inn kjörnum fulltrúum.

Innlent 30.5.2010 03:54

Lokatölur í Keflavík: Meirihlutinn heldur

Lokatölur eru komnar í Reykjanesbæ og þar heldur Sjálfstæðisflokkurinn meirihluta sínum þrátt fyrir að dala um nokkur prósentustig. Flokkurinn fær sjö bæjarfulltrúa, Samfylkingin er með þrjá og Framsókn er með einn bæjarfulltrúa. Rúm sjö prósent skiluðu auðu, sem er nokkuð yfir meðaltali á á landsvísu.

Innlent 30.5.2010 02:27

Samfylkingin ætlar að ræða við VG

Samfylkingarmenn í Hafnarfirði ætla að ræða við VG um myndun meirihluta í bænum. Lúðvík Geirsson bæjarstjóri ætlar að taka þátt í myndun þess meirihluta þó að hann hafi ekki náð kjöri sem bæjarfulltrúi.

Innlent 30.5.2010 01:44

Sóley Tómasdóttir komin inn - Samfylkingin missir einn

Sóley Tómasdóttir er borgarfulltrúi eftir að búið er að telja 43408 atkvæði í Reykjavík. Besti flokkurinn er með sex menn kjörna líkt og þegar fyrstu tölur voru kynntar, Sjálfstæðisflokkurinn er með 5 menn kjörna og Samfylkingin er með 3 menn kjörna.

Innlent 30.5.2010 01:24

Lokatölur í Hafnarfirði: Bæjarstjórinn ekki inni - VG í oddaaðstöðu

Lúðvík Geirsson, bæjarstjóri Hafnarfjarðar, er dottinn úr bæjarstjórn. Samfylkingin fær fimm fulltrúa og tapar því tveimur og Sjálfstæðismenn bæta við sig tveimur og fá einnig fimm. Vinstri grænir halda sínum fulltrúa í bænum og eru því í oddaaðstöðu þegar kemur að meirihlutamyndun.

Innlent 30.5.2010 01:12

Jón Gnarr þakkaði stuðningsmönnum sínum

„Ég hef alltaf haft það að leiðarljósi að reyna að gera eitthvað gott og uppbyggilegt með það sem ég hef verið að gera,“ sagði Jón Gnarr, oddviti Besta flokksins, þegar að hann ávarpaði stuðningsmenn sína á kosningavöku Besta flokksins í Iðusölum í kvöld.

Innlent 30.5.2010 00:45

Lokatölur á Akureyri: L-listi með hreinan meirihluta

Lokatölur eru komnar fram á Akureyri og staðfesta þær stórsigur L - listans, Lista fólksins, sem nær sex mönnum í bæjarstjórn og fær því hreinan meirihluta. Aðrir flokkar, VG, Samfylking, Sjálfstæðisflokkur, Framsóknarflokkur og Bæjarlistinn fá einn mann hver í bæjarstjórnina.

Innlent 30.5.2010 00:43

Sjálfstæðismenn auka við fylgið í Hveragerði

Lokatölur eru komnar fram í Hveragerðisbæ og þar hafa sjálfstæðismenn aukið fylgi sitt og fá rúmlega 64 prósent atkvæða og fimm fulltrúa. A - listi, sameiginlegt framboð Framsóknarflokks, Samfylkingar og VG fá tvo fulltrúa.

Innlent 30.5.2010 00:28

Lokatölur í Mosfellsbæ: D-listi með hreinan meirihluta

Sjálfstæðismenn fá fjóra menn miðað við fyrstu tölur í Mosfellsbæ og Vinstri grænir ná inn einum manni. Þessir flokkar voru í meirihluta á síðasta kjörtímabili en nú nær Sjálfstæðisflokkurinn hreinum meirihluta í bænum. M-listinn nær inn einum manni og það gerir Samfylkingin einnig. Framsóknarmenn missa hinsvegar sinn mann og ná ekki fulltrúa í bæjarstjórn.

Innlent 30.5.2010 00:22

Meirihlutinn heldur í Eyjum - lokatölur komnar

Meirihluti Sjálfstæðisflokksins heldur í Vestmannaeyjum eftir að búið er að telja öll atkvæði. Sjálfstæðisflokkurinn er með fjóra bæjarfulltrúa kjörna og Samfylkingin með þrjá.

Innlent 30.5.2010 00:20

Áfall fyrir Sóleyju Tómasdóttur

Þetta er mjög skrýtið og ég efast um að þetta sé satt, sagði Sóley Tómasdóttir, oddviti Vinstri Grænna í Reykjavík. Hún var spurð um niðurstöðu VG í kosningunum í umræðum oddvita framboðanna í Reykjavík sem fram fóru á RÚV um tólfleytið í kvöld.

Innlent 30.5.2010 00:05

Meirihlutinn heldur í Skagafirði

Meirihluti Framsóknarflokks og Samfylkingarinnar í Skagafirði heldur miðað við fyrstu tölur þegar búið er að telja rúmlega helming atkvæða. Framsóknarmenn ná fjórum mönnum eins og síðast og Samfylkingin heldur sínum manni. VG ná inn manni og Sjálfstæðisflokkurinn missir einn mann sem færist yfir til F - Lista Frjálslyndra og óháðra.

Innlent 29.5.2010 23:56

Hjálmar gleðst yfir árangrinum

Hjálmar Sveinsson, fjórði maður á lista Samfylkingarinnar, er nýr borgarfulltrúi í Reykjavík samkvæmt fyrstu tölum sem birtust rétt eftir klukkan tíu.

Innlent 29.5.2010 23:44

Sigmundur Davíð ætlar að kynna sér niðurstöðurnar betur

Sigmundur Davíð Gunnlaugsson, formaður Framsóknarflokksins, vildi ekki veita fréttamanni á fréttastofu Stöðvar 2 og Vísis viðtal þegar hann falaðist eftir því á Austurvelli um ellefuleytið í kvöld. Hann strunsaði yfir Austurvöll og sagðist ætla að kynna sér betur niðurstöðurnar.

Innlent 29.5.2010 23:10

Hanna Birna: Sjálfstæðisflokkurinn í stórsókn

Sjálfstæðisflokkurinn er í stórsókn í Reykjavík, sagði Hanna Birna Kristjánsdóttir, oddviti sjálfstæðismanna í Reykjavík, þegar að hún ávarpaði sjálfstæðismenn á kosningavöku á Nordica Hótel.

Innlent 29.5.2010 23:01

Meirihlutinn fallinn í Árborg

Sjálfstæðisflokkurinn bætir við sig manni í Árborg en meirihluti Samfylkingarinnar og Framsóknarflokksins er fallinn. Sjálfstæðisflokkurinn hlaut því 1.369 atkvæði eða 44,5 prósent.

Innlent 29.5.2010 22:58

Dagur: Krafa um breytingar

Dagur B. Eggertsson, oddviti Samfylkingarinnar sagði við Samfylkingarmenn að skilaboðin úr kjörkössunum í dag væri krafa um breytingar. Hann sagði að kosningabaráttan hefði verið ein sú óvenjulegasta sem hann hefði upplifað. Samfélagið hefði gjörbreyst og það væru skrýtnir tímar. Nýtt framboð hefði engið 38% en Samfylkingin hefði hins vegar haldið sínu fylgi frá því fyrir fjórum árum síðan.

Innlent 29.5.2010 22:57

Sjálfstæðismenn halda sínu í Garðabæ

Sjálfstæðisflokkurinn í Garðabæ fær tæp 63 prósent atkvæða miðað við fyrstu tölur og nær inn fimm mönnum. M-listinn, listi fólksins í bænum nær inn manni og það gerir Samfylkingin einnir. Framsóknarflokkur nær hinsvegar ekki inn manni.

Innlent 29.5.2010 22:55

Fjarðabyggð: Meirihlutinn heldur

Fyrstu tölur úr Fjarðabyggð gefa til kynna að Fjarðalistinn nái inn þremur mönnum og Framsóknarflokkurinn nær inn tveimur mönnum. Meirihlutinn heldur því þar þrátt fyrir að flokkarnir dali. Sjálfstæðismenn ná inn fjórum mönnum.

Innlent 29.5.2010 22:49

Samfylkingin vinnur stórsigur á Akranesi

Samfylkingin hlaut 873 atkvæði og fengu fjóra menn kjörna. Þeir bæta því við sig tveimur mönnum. Sjálfstæðisflokkurinn geldur afhroð og missir tvo menn en voru áður með fjóra. Vinstri grænir halda sínum manni en Framsóknarflokkurinn bætir við sig einum manni og er því með tvo bæjarfulltrúa.

Innlent 29.5.2010 22:47

Kosningar 2010

Mest lesið