Innlent

Sinu­eldur í Munaðar­nes­landi

Rafn Ágúst Ragnarsson skrifar
Viðbragðsaðilar vinna að því að slökkva í glóðum.
Viðbragðsaðilar vinna að því að slökkva í glóðum. Aðsend

Sinueldur logar í Munaðarneslandi á Vesturlandi. Viðbragðsaðilum hefur tekist að ná tökum á brunanum en enn logar í einhverjum glæðum. Svæðið sem brann var ekki stórt en á mjög erfiðu svæði þar sem eldurinn átti upptök sín í birkiskógi.

Bjarni Þorsteinsson, slökkviliðsstjóri í Borgarbyggð, staðfestir þetta í samtali við fréttastofu. Hann segir ekkert vitað um upptök eldsins.

Eldurinn átti upptök sín neðan við Kolás í Munaðarneslandi.Aðsend

„Við fengum útkallið rétt fyrir tvö. Þeir voru fljótir á svæðið slökkviliðið. Það er erfitt að ganga frá þessu í svona skógi,“ segir hann.

Bjarni segir að sumarhúsaeigendur á svæðinu hafi komið að aðgerðunum og tekið virkan þátt í slökkvistarfinu. 

„Við erum bara að drepa í eldhreiðrum núna,“ segir Bjarni en hvetur fólk að fara afar varlega í þessari þurrkatíð.

Veistu meira um málið? Fréttastofa tekur við öllum ábendingum og myndum á netfangið [email protected]. Fullum trúnaði er heitið.

Borgarbyggð Slökkvilið Gróðureldar á Íslandi

Mest lesið


Fleiri fréttir

Sjá meira


×

Mest lesið